¡Qué grandi es mi Extremadura!

Icía yo en mi "Carta a mis amigos extremeños":
"...¡con tántos que semos y semos tan pocos!"
Enlace: "Carta..."
Y m'alegra diquelá que, manque poquinos, entoavía "semos".
.
Poema encontrado en el siguiente enlace:
http://boards5.melodysoft.com/app?ID=radiocatalunya&msg=146
Madrid, 23 de octubre de 2008
Autor: Eladio San Juan Brasero

¡QUÉ GRANDI ES MI EXTREMADURA!
.
Ondi quiera que m'acercu
afinu bien el oidu
pol si escucho alguna voz
que me regali el sentíu,
algún acentu extremeñu,
alguna voz de mi tierra;
esi es el máh grandi empeñu
al que mi alma s'aferra.

Sentil jablal de mi Cácereh,
de mi pueblu y suh aldeas,
de su vinu y suh mujerih
y el jamón de pata negra.
.
¡Qué grandi es mi Extremadura!
Dendi cerca d'Oropesa
jahta'l final de lah Jurdeh
el Arañuelu, la Vera,
y esi Jerti que platea
sobre'l Valle de Plasencia
y esi verdi del tabaco
que va del Valle del Tiétar,
y loh fértileh cerezuh
que cuanti máh leh golpeah
máh te riegan con su besu!

¡Qué grandi es mi Extremadura!
Dendi Badajoz a Gredus,
dendi Miraveti a Mérida
y d'Arroyu a Cañameru!
.
¡Qué grandi es mi Extremadura!
¡Qué llanuh! ¡Qué sol! ¡Qué cieluh!
¡Qu'encinar! ¡Qué tierna albura!
Con cuántu amor la recuerdu...

Por esu, si jablan de ti, Extremadura,
yo a escuchal siempri me queo;
y, ¡ay, de la voz qu'al jablarti
a ti no te mandi besus.

¡Que naide vaiga diciendo
malih de mi Extremadura,
porque yo no lo consientu,
me juegu lah asaurah.

¡Extremadura no es esu
qu'alguna genti se cree,
no eh Comarca ni senderu,
ni es olvío ni vejez,
qu'es una parti d'España
con historia, rangu y ser
y jarta ya de patrañas
y de güelva osté otra vez!
________________________
.
(Estimao Sr. San Juan:
M'he permitío la licencia d'endilgá'n el mi blog el su poema publicao'n el siguiente enlace:
http://boards5.melodysoft.com/app?ID=radiocatalunya&msg=146
con el único motivo d'arrejuntá comenencias en la nuestra téntiga querencia d'arrejundí con juerza los nuestros valores extremeños. Si no juera del su agrao la mi ocurrencia, le ruego me lo jaga sabé pa jacer lo comeniente. Mi más juerte abrazo y mi enhoragüena por el su poema.
JAVIER FEIJÓO
Correo: fjavierfeijoo@hotmail.com)
.