Sonetillo al Emigrante

Ramas d'encinas sus deos,
vos extremeña y paisaje,
ciegos sus ojos, vendaje...
...¡porca política, enreos!

Asina y to jueron leos
con este nuestro lenguaje,
al menos jué su equipaje...
...¡que naide orvíe sus mieos!

Icen que jueron errantes
ajuyendo e la miseria,
y les llaman emigrantes

con coche nuevo'n la feria.
Icen verdá, qu’andenantes
la cosa estaba mu seria.

Javier Feijóo