26/10/07

A Josep LLuís


Ices qu’eres “Josep Lluís” (¡Enhoragüena!)
porque asina es como se ice’n catalán
(tos los días patatín y patatán
con el jerre que te jerre por condena).

Manque a mí pa na m’importe la tu pena
de no se’l Jefe d’Estao d’ese chaflán
al Noreste d’esta España, aonde están
extremeños que se jueron a por cena,

sí me peta qu’aturrulles a los nuestros
con el zumba que te dale d’ese idioma,
coficiá... que no esclusivo de maestros.

Y es asina qu’aprendí de mis ancestros
que las jablas... pa jablá, con punto y coma;
y los chulos pa’l corrá, con los cabestros.

Si yo juera catalán lo “parlaría”,
si extremeño... en castúo “palraría”.
Los demás ya puén palrá como les pete
si al jincase un güen “filet” jaman filete.
Javier Feijóo
º