Galán

(a José Mª Gabriel y Galán)

Quien palra en extremeño jace argo

qu’enjundia su nacencia con cariño

y mata tos los mieos d’aquel niño

que jue presa cautiva de”El embargo”.

Quien ice que Galán es un “letargo”

no ascucha de sus letras el su aliño.

Sus versos son las cinchas del corpiño

de jembras que parieron el amargo

agine d’emigrantes qu’ende lejos

reojan la mirá pa la sus tierras,

onjutos del trebajo agraecío;

y condenan al Jues a “catalejos”,

pa que diquele bien quien tié las perras

y no embargue enjamás a un bien nacío.

Quiciás Galán no juera de nacencia

un extremeño más,

pero nus regaló la su experencia

y el arte d’enseñase a los demás.

Javier Feijóo

(Julio 2005)